Чистай районының алкоголь базарында хәл
Чистай шәһәре һәм Чистай районы буенча 141 сәүдә объектында 41 оешма алкогольле продукцияне ваклап сата.
Чистай шәһәре буенча алкогольле продукцияне ваклап сату 100 сәүдә объектында башкарыла, авыл җирлегендә алкогольле продукцияне ваклап сатуны 41 сәүдә объекты башкара.
Агымдагы елның дүрт аенда барлыгы 28,2 мең дал күләмендә алкогольле продукция сатылган, бу 2021 елның шул ук чоры белән чагыштырганда 5% ка кимрәк.
Кертелә торган алкогольле продукция буенча сату 3% ка, аракы буенча узган елның шушы чорына карата 7% ка арткан.
Республика җитештергән алкогольле продукция буенча – 6% ка, аракы буенча-4% ка үсеш күзәтелә.
2022 елның гыйнвар-апрель айларында җан башына туры килгән алкоголь продукциясен сату күләме 3,8 л тәшкил иткән, бу узган ел белән чагыштырганда 106% тәшкил итә.
2022 елның гыйнвар-апрель айларында территориаль орган белгечләре тарафыннан алкогольле һәм спиртлы продукциянең законсыз әйләнешен ачыклау буенча 16 тикшерү чарасы үткәрелде.
Тикшерү барышында гамәлдәге законнарны бозуның 16 очрагы ачыкланды.
99,3 л күләмендә алкогольле продукция легаль булмаган әйләнештән алынды.