Чистай юидчылары педагогларга үзләренең юл грамотасын күрсәттеләр
1 нче мәктәпнең яшь юл хәрәкәте инспекторлары иң активларның берсе булып тора.
Башлангыч сыйныф укытучыларының муниципаль семинары вакытында да юл хәрәкәтен белүчеләр юл белеме буенча дәресләрдә катнаштылар. Алар юлда хәвеф-хәтәрсез тәртип кагыйдәләрен белүләрен, юл хәлләрен белеп эш итә белүләрен, юл хәрәкәте кагыйдәләрен бозучыларны, юл тозакларын таба белүләрен күрсәттеләр.
Барлык биремнәрне укучылар тиз һәм дөрес башкарды. Ә педагогларны алар яктылыкны кире кайтара торган элементларны куллану буенча ата-аналар белән эшне активлаштырырга чакырды.
Сүз уңаеннан
- Киемдә яктылыкны кире кайтара торган элементлар тәүлекнең караңгы вакытында сизелерлек булырга ярдәм итә, - дип искә төшерә ЮХИДИ бүлеге начальнигы полиция подполковнигы Илдар Вәлиуллин. - Шуны да исәпкә алырга кирәк, автомашина белән якыннан яктыртылган фар белән идарә иткәндә, руль артында кеше караңгыда 25-30 метрга җәяүлене күрергә мөмкин. Әгәр дә соңгысының киемендә яктылыкны кире кайтаручы элементлар булса, бу ара 130-140 метрга кадәр арта. Ә инде ерактагы яктылык кертелсә, мондый җәяүле 400 метрдан да күренәчәк. Гомумән, машина йөртүче җәяүлене элек күргән саен, чыгу ихтималы азрак.