Инвалидлыкны билгеләүнең гадиләштерелгән тәртибе 2021 елның 1 октябренә кадәр гамәлдә булачак
2020 елның 1 мартыннан 1 октябренә кадәр Россиядә коронавирус таралуга бәйле рәвештә кертелгән гражданны инвалид дип тану вакытлыча тәртибе кулланыла. Аларга элек билгеләнгән инвалидлыкны алдагы 6 айга автомат рәвештә озайту, шулай ук инвалидлыкны беренче тапкыр читтән торып билгеләү максатларында гражданнарга медик-социаль экспертиза үткәрү (шәхси катнашыннан башка) каралган.
Аннары шундый ук кагыйдәләр 2020 елның 2 октябреннән 2021 елның 1 мартына кадәрге чорда билгеләнде.
Моннан тыш, РФ Хөкүмәте карары белән каралган 2021 елның 1 октябренә кадәр производствода бәхетсезлек очраклары һәм һөнәри авырулар нәтиҗәсендә һөнәри эшкә яраклылык дәрәҗәсен билгеләүнең аерым тәртибенең гамәлдә булу вакыты озайтылды (РФ Хөкүмәтенең 11.02.20021 ел, № 155 карары).
Игътибарга алырга: гражданнарны инвалид дип тануның вакытлы тәртибенә беренче тапкыр инвалидлыкны рәсмиләштерүче гражданнарны өстәмә тикшерүләрдән Азат итүче үзгәрешләр кертелде. Аерым алганда, төзәтмәләрдә элегрәк уздырылган (МСЭга җибәрелгәнче 12 ай дәвамында) авыруларны, дефектларны, кире кайтарылмый торган морфологик үзгәрешләр һәм организм функцияләре бозылуның чагылышы дәрәҗәсе булган очракта, беренче тапкыр медик-социаль экспертизага җибәрелгән гражданнарга МСЭДА юллама формалаштыру медицина оешмасы тарафыннан башка тикшерүләр үткәрмичә генә башкарыла дип каралган.