Чистайда «борынгы Чистай. Яңарыш»
Россия рәссамнары Чистайның борынгы йортларын сурәтләгән.
Бүген җирле халык ике атналык эшнең ахыргы вариантын күрделәр. Күргәзмәне өч мәйданчыкта оештырдылар: шәһәр тарихы музеенда, музей-күргәзмә комплексында, «Чистай»мәдәни үзәгендә. Гомумән, рәссамнар 80ләп эш тәкъдим итте.
Пленэрны ябу һәм күргәзмәне ачу тантанасында район башлыгының беренче урынбасары Константин Иванов катнашты. Ул пленэрда катнашучыларга рәхмәт хатлары тапшырды.
- Россия рәссамнарын каршы алу безнең өчен зур дәрәҗә. Бу проект, чыннан да, бик мөһим, чөнки Чистай сурәтләнгән картиналар республика һәм хәтта ил буенча йөриячәк. Мондый искиткеч хезмәтегез өчен рәхмәт. Чистай районы башлыгы һәм барлык җирле үзидарә органнары исеменнән пленэрны оештыручыларга һәм анда катнашучыларга рәхмәт белдерәм. Безнең шәһәр сезнең өчен һәрвакыт ачык, - диде Константин Валентинович.
Исегезгә төшерәбез, " борынгы Чистай. Яңарыш» күргәзмәсе республика рәссамнар берлеге инициативасы белән Президент грантлары фонды финанс ярдәме белән тормышка ашырыла. Бөтенроссия сәнгать пленэрының булачак үзгәрешләр белән бәйле һәр картинасы, йортның кемнеке һәм кайчан булуы, нәрсәдән гыйбарәт булуы турындагы тарихи белешмә белән үрелеп барачак. Картиналар һәм локацияләр шулай ук фотога төшәчәкләр һәм буклетлар ясау һәм күчмә күргәзмәләр алып бару өчен цифрлаштырачаклар.
Чистайдан соң күргәзмә Казанда, Яр Чаллыда узачак. Гомумән алганда, Камадагы шәһәр рәсеме төшерелгән картиналарны Татарстанның 8 шәһәрендә күрәчәкләр. Шәһәребезнең урамнарын, тарихи корылмаларын шулай ук Мәскәү һәм Санкт-Петербург халкы да күрәчәк.