Чистайда җирле үзидарә органнары хезмәткәрләренең хезмәт автомобильләрен тикшерделәр
Чистайда автодромда 50ләп машина тикшерелде.
Чистай автодромына җирле үзидарә органнары хезмәткәрләре үзләренең хезмәт автомобильләрен чакырдылар. Машина йөртүчеләрне штрафларның, рәсмиләштерелгән документациянең, алдан медицина тикшерүенең булу-булмавын тикшерделәр. ЮХИДИ хезмәткәре транспорт чарасын өстәмә җайланмалар белән җиһазландыруга аерым игътибар бирде.
- Боларның барысын да исәпкә алырга, теркәргә кирәк. Чөнки хәтта вак-төякләр дә төзек булмаганлыкны җәлеп итәргә һәм юл-транспорт һәлакәтләрен булдырырга мөмкин, бу юл хәрәкәте иминлегенә турыдан-туры йогынты ясый. Министрлар Кабинеты карары нигезендә, ЮХИДИ белән берлектә мондый карауны квартал саен уздырачакбыз, - дип шәрехләде Чистай районы башкарма комитеты җитәкчесе Эдуард Хәсәнов.
Автодромда 50ләп машина тикшерелде. Олы Талкыш авыл җирлеге башлыгы Эдуард Ильин мондый чаралар ешрак үткәрелер дип ышана. Аның автомобилендә тонировкалар юк, чөнки аны яхшы юл өчен киртә дип саный.
- Кичәге кичтән барлык документларны да әзерләп куйдым, карап чыгарга җыендым. Без башка авыл җирлекләре башлыклары белән очраштык, киңәшләштек, машиналарыбызга кагылышлы нечкәлекләре турында фикер алыштык. Нюанслар күп, барлык сорауларны белгечләргә бирергә кирәк, - дип уртаклаша безнең белән Эдуард Борисович.