Чистай муниципаль районы Башлыгының Халыкара Укытучылар көне белән котлавы
Хөрмәтле укытучылар, ветераннар һәм педагогика хезмәткәрләре!
Сезне һөнәри бәйрәмегез-укытучылар көне белән чын күңелдән тәбрик итәм.
Һәрвакытта да укытучы һөнәре иң мөһим һәм җаваплы һөнәрләрнең берсе санала. Чөнки нәкъ менә педагог балаларга кирәкле белемнәрне тапшыра, аларга Хезмәткә ихтирамлы мөнәсәбәт тәрбияли, кешенең шәхесен формалаштыра, шул рәвешле аның киләчәгенә нигез сала.
Чистай муниципаль районының белем бирү учреждениеләрендә зур интеллектуаль потенциал тупланган. Биредә үз эшләренең осталары эшли. Сез Россия педагогикасының традицияләренә тугры булуыгызны һәм уку процессына инновацион эшләнмәләрне кертеп, заман белән бергә атларга омтылуны оста итеп яраштырасыз. Сезнең эшнең сыйфаты шик тудырмый. Җиңүләребез, балаларыбыз – сезнең тәрбияләнүчеләрегез, укучыларыбызның уңышлары шуның ачык бер дәлиле.
Чистайлыларның бер генә буынын тәрбияләү һәм белем бирүгә зур өлеш керткән, үз тәҗрибәләрен һәм белемнәрен бүгенге педагогларга - бу иҗади һөнәрнең лаеклы дәвамчыларына тапшырган тармак ветераннары аерым рәхмәткә лаек.
Кадерле укытучылар! Бу бәйрәм көнендә сезнең зур хезмәтегез, балаларга кайгыртучан һәм игътибарлы мөнәсәбәтегез, аларның талантларын һәм сәләтләрен ачарга омтылуыгыз өчен рәхмәт сүзләрен кабул итегез. Сезгә чын күңелдән сәламәтлек, бәхет һәм педагогик эшчәнлегегездә уңышлар телим! Эш сезгә шатлык һәм канәгатьлек китерсен, ә укучылар Сезгә ихлас рәхмәт белән җавап бирсен!
Чистай муниципаль районы башлыгы Дмитрий Иванов катнашты.