«Спорт дөньяга кирәк»
Чистай муниципаль районының «Ватан «хәрби-патриотик эш һәм армиягә кадәр яшьләрне әзерләү үзәге» муниципаль бюджет учреждениесендә «2020-2022 елларга Чистай муниципаль районында терроризмны һәм экстремизмны профилактикалау буенча максатчан программа» һәм «Экстремизмга-юк!» мини-футбол буенча турнир узды.
Ярышларда Чистай шәһәренең урта һәм югары уку йортлары студентлары катнашты.
В.г. Тимирясов исемендәге Казан инновацион университеты командасы (ИЭУП) Закиров М. А. җитәкчелегендә 8 кешедән торды. Аларның 6сы-кыр уенчысы,1се-капкачы, 1се-запас уенчы.
КИУ (ИЭУП) директоры Ольга Доброравова билгеләп үткәнчә, мондый спорт чараларын уздыру студентлар арасында мини - футболны популярлаштыруга гына түгел, ә даими физик культура һәм спорт белән шөгыльләнүгә җәлеп итүгә, сәламәт яшәү рәвешен формалаштыруга да ярдәм итә.
Ярыш нәтиҗәләре буенча жюри иң көчле командаларны ачыклады. КИУ командасы өченче призлы урынны алды.