Чистайда милләтара һәм конфессияара мөнәсәбәтләрне ныгыту мәсьәләләре турында фикер алыштылар
Муниципалитетта милләтара һәм конфессиональара мәсьәләләр буенча Совет утырышы узды.
Шәһәр һәм район мәгариф учреждениеләрендә туган телләрдә белем бирүне оештыру турында мәгариф идарәсе башлыгы урынбасары Ирина Новикова сөйләде.
Ул билгеләп үткәнчә, белем бирү оешмаларында «Туган тел» фәне укуның барлык этапларында, 1-11 сыйныфларда тәкъдим ителгән.
– Бүгенге көндә 8067 укучы белем ала. Аларның 2500е татар телен өйрәнә, бу 30 процентын тәшкил итә. Татар теле, дәүләт теле буларак, 87 кеше (2 процент). Рус телен 5480 бала (68 процент) өйрәнә, – дип сөйләде Ирина Александровна.
Россия Эчке эшләр министрлыгының Чистай районы буенча бүлегенең миграция хезмәте начальнигы Илнур Нуриәхмәтов безнең районда мигрантлар белән эшләү турында сөйләде.
- Миграция вәзгыяте даими игътибар үзәгендә тора. Анализ күрсәткәнчә, 1 сентябрьгә Чистай районы территориясендә 259 чит ил гражданы яши, – диде Илнур Хәлимович.
Чуаш милли үзәге эшчәнлеге турында аның җитәкчесе Петр Плотников сөйләде. «Ак калфак» татар хатын-кызлары иҗтимагый хәрәкәтенең Чистай бүлекчәсе җитәкчесе Зөһрә Исмәгыйлева иҗтимагый оешма эшчәнлеге турында сөйләде.
Кече Талкыш авыл җирлегендә милләтара һәм конфессияара мөнәсәбәтләрне ныгыту турында авыл җирлеге башлыгы Григорий Федотов сөйләде.
Утырыш ахырында катнашучылар булачак чаралар турында фикер алыштылар һәм киләчәккә планнар билгеләделәр.