Чистайда берничә яңа урам барлыкка киләчәк
Чистай шәһәр Советы депутатлары яңа урамнарга исем бирү турында Карар кабул итте.
Бүген муниципалитетта Чистай шәһәр Советы утырышы узды. Көн тәртибенә тугыз мәсьәлә чыгарылган иде. Алар даими нигездә муниципаль хезмәткәрләрнең һәм муниципаль вазыйфаны биләүче затларның вазыйфаи окладларын билгеләү, килешүләр төзү тәртибе, «Чистай шәһәре» муниципаль берәмлеге вәкаләтләренең бер өлешен тапшыру, бюджетка, җирдән файдалану һәм төзелеш кагыйдәләренә үзгәрешләр кертү һ.б. кагылышлы иде.
Шулай ук депутатлар шәһәрнең көньяк өлешендәге яңа микрорайондагы кайбер урамнарга исем бирү мәсьәләсен дә карадылар. Шулай итеп, Чистай шәһәр Советы карары буенча яңа урамнарга түбәндәге исемнәр бирелде: «Җиңүнең 75 еллыгы» урамы – Бөек Ватан сугышында Җиңүнең 75 еллыгын бәйрәм итү уңаеннан, «ТАССРның 100 еллыгы», «ТАССРның 100 еллыгы», «Петр Кафаров»-Рус Православие Чиркәве руханисы, «Мөхәммәдзакир Чистай» – татар дин әһелләре, ишан, икенче гильдия сәүдәгәре, «Федор Кузнецов» урамы-аның шәһәр алдындагы казанышлары өчен, "Ирек Миннәхмәтов" урамы – шәһәр икътисадын ныгытуга керткән өлеше өчен.