Чуаш Кичүе авылында халык җыенында Елтан авыл җирлеге башлыгының отчеты тыңланды
Районда авыл җирлекләре Советларының традицион хисап сессияләре дәвам итә. 6 февраль көнне Чуаш Ялтаны авыл җирлеге башлыгы Станислав Егоровның отчеты конструктив рәвештә узды. Җирлек башлыгы җирлек советы һәм муниципаль учреждениеләр эше турында гына түгел, гомумән, авыл халкының кайгыртучанлыгы турында да сөйләде. Районның күпчелек авыллары белән чагыштырганда, шәхси хуҗалыкларда мөгезле эре терлек, атлар күп. Җирлек территориясендә эшләүче 7 КФХ, нигездә, үсемлекчелеккә йөз тота, шуларның 3се үз эшчәнлеген 2019 елда башлаган. Акбулат авылында «Акбулат»ОООсы да яхшы усеш ала. 20 кешедән торган ҖЧҖ коллективы 1400 гектар сөрүлек җирен эшкәртә, сөт-товар фермасы тота. Җирлек башлыгы проблемаларны да читләтеп үтмәде. Барлык өч авылда да клубларга капиталь ремонт ясау иң авыры булып кала. Очрашу гадәттәгечә район башлыгы чыгышы белән тәмамланды, ул районның социаль-икътисади хәле турында сөйләде һәм авыл халкын борчыган сорауларга җавап бирде.