Хезмәтне саклау белән идарә итү системасын үстерү стратегиясе турында фикер алышу буенча республика семинары узды
Семинар башланыр алдыннан катнашучылар игътибарына җитештерү чаралары хезмәткәрләре өчен саклау элементлары күргәзмәсен тәкъдим иттеләр. Тәкъдим ителгән ассортимент арасында саклагыч аяк киеме, шлем һәм перчаткалар, костюмнар, шулай ук экипировканы карау чаралары бар иде.
"Безнең районда хезмәтне саклауга аерым игътибар бирелә, нәкъ менә шуңа күрә без бүген шундый тулы зал белән җыелдык", - дип сәламләде катнашучыларны Чистай муниципаль районы Башкарма комитеты җитәкчесенең икътисад мәсьәләләре буенча беренче урынбасары Ләйсән Кашапова.
ТР Хезмәт, мәшгульлек һәм социаль яклау министрлыгының хезмәтне саклау буенча дәүләт идарәсе бүлеге башлыгы Алла Курзенева катнашучыларга нульле имгәнү концепциясе турында сөйләде.
"Проблеманың тамырын, производство травмасының беренчел сәбәпләрен эзләргә һәм производствода имгәнү дигән төшенчәне аңларга кирәк", - дип мөрәҗәгать итте ул залга.
Киңәшмәдә Татарстан Республикасында хезмәтне саклау һәм хезмәт шартлары торышы, Чистай муниципаль районында хезмәтне саклау буенча Координацион совет эше, җитештерү травматизмын киметү буенча кисәтү чараларын финанслау һәм хезмәтне саклау буенча белгечләр квалификациясенә яңа таләпләр, шулай ук хезмәткәрләрне шәхси саклану чаралары белән тәэмин итүдә законнарның яңа таләпләре турында фикер алыштылар.
Семинар программасы ахырында катнашучыларның проблемалы сораулары буенча түгәрәк өстәл булды.