Чистай районында уру-җыю эшләре төгәлләнде
Авыл хуҗалыгы предприятиеләре бөртекле культураларны җыеп алдылар, әмма район кырларында техник культураларны урып-җыю, туфрак эшкәртү эшләре дәвам итә.
Табигать һәр елны аграрийларга яңа сынаулар бирә. Бу сезон да искәрмә түгел. Кар озакка сузылу һәм башка һава шартлары аркасында уҗымнарның күп өлеше һәлак булды, күп кенә мәйданнарда авыл хуҗалыгы җитештерүчеләре культураларны яңадан чәчәргә мәҗбүр булды.
Әмма һава торышы моның белән генә тәмамланмады. Июнь коры килде, регион явым-төшем җитди дефицит кичерде, ә икмәк өлгерү вакытында кичке вакытта салкын һава торышы сакланды.
Барлык кыенлыкларга да карамастан, уңыш начар түгел. Август башыннан яңа кыенлыклар килде, явым-төшем күп булды аграрийларга урып-җыю кампаниясен тулы көченә җәелдерергә мөмкинлек бирмәде.
Августның икенче яртысыннан гына район хуҗалыклары урып – җыю темпларын арттыра һәм төп бурычны үти-кырлардан уңышны минималь югалтулар белән җыеп ала алдылар. Йөздән артык ашлык җыю комбайны җәлеп ителде.
Игенчелеккә дөрес якын килү, агротехник чараларны үз вакытында һәм сыйфатлы үткәрү һәм механизаторларның тырыш хезмәте нәтиҗәсендә 55,1 мең гектардан бөртеклеләрне җыеп алу мөмкин булды, 154,3 мең тонна ашлык суктырылды. Район буенча уртача уңыш гектарыннан 28 центнер тәшкил итте.
– Техник культуралардан 1,5 мең гектар рапс, 8,5 мең гектар көнбагыш җыясы калды, - дип билгеләп үтте авыл хуҗалыгы һәм азык-төлек идарәсе башлыгы Александр Ромадановский. - Силос өчен кукуруз җыю дәвам итә. Барлыгы 10, 3 мең тонна силос әзерләнгән. Район буенча бер шартлы баш мөгезле эре терлеккә 22,2 центнер азык берәмлеге тәшкил итә.
Көзге культуралар чәчү төгәлләнде. Барлыгы 12,8 мең гектар мәйданда чәчелгән. Шуның 12 мең гектары-көзге бодай, 800 гектары-көзге арыш. Көзге культураларның иң зур мәйданнары «Чистай» агрофирмасында һәм «Волга Селект»хуҗалыгында чәчелгән. Аларда көзге культуралар 2 мең гектардан артык мәйданда чәчелгән.
Район кырларында туфракны төп эшкәртү эшләре дәвам итә.
– Бүгенге көндә төп бурычларның берсе – җир сөрү буенча максималь җитештерүчәнлеккә чыгу, - ди Александр Александрович. – Тулаем район буенча туфракны төп эшкәртү фаразы 39 мең гектар тәшкил итә. Бүгенге көндә җыеп алынган мәйданнарның 40 проценты эшкәртелгән.
«Кама аръягы Агро» да, «чистай» халык предприятиесендә, «Родник», «Акбулат» хуҗалыкларында, фермер хуҗалыкларында туфрак эшкәртү оешкан төстә алып барыла. «Чистай» һәм «закром»агрофирмаларында туңга сөрү эшләрен көчәйтергә кирәк.
Игенчеләр көчәйтелгән режимда эшләргә тырышалар. Хуҗалыклар алдына бөтен техник потенциалны, шул исәптән ике сменалы эшне оештыруны максималь рәвештә җәлеп итү бурычы куелган.