Атналык планерка бүләкләүдән башланды
Гражданлык җәмгыятен үстерүгә керткән өлеше һәм шикәр диабеты белән авыруларны профилактикалау һәм халык арасында сәламәт яшәү рәвешен пропагандалауда булышлык күрсәтүе өчен Чистай районы үзәк хастаханәсенең халыкка медицина хезмәте күрсәтү буенча баш табиб урынбасары Лилия Хөснуллина Татарстан Республикасы Иҗтимагый палатасы Рәисенең Рәхмәт хаты белән бүләкләнде.
Узган атнадагы оператив хәлләр турындагы нотык белән Россия Эчке эшләр министрлыгының Чистай районы буенча бүлеге начальнигы урынбасары Радик Әхмәтҗанов чыгыш ясады. Ул хәбәр иткәнчә, узган атнада җинаятьләр турында 8 хәбәр һәм гариза теркәлгән.
Юл-транспорт һәлакәтләре саны 60% ка арткан, ягъни 20 дән 32 гә кадәр, шуларның 25 е - шәһәрдә һәм 7 се районда булган. Авария урыныннан 2 машина йөртүче качкан. ЮТҺ нәтиҗәсендә 7 кеше төрле дәрәҗәдәге тән җәрәхәтләре алган, 2 кеше һәлак булган.
Шулай итеп, агымдагы елның 23 августында Казан – Оренбург юлының 116 нчы чакрымында «CHEVROLET KLAC» автомобиле йөртүчесе Казан ягыннан Оренбург ягына таба хәрәкәт иткәндә, маневрны төзегәндә, хәрәкәт полосасының ирекле булуына инанмаган һәм каршы як юлга чыккан «TOYOTA LAND CRUISER»автомобилен бәрдергән. Алынган җәрәхәтләрдән «CHEVROLET KLAC» автомашинасын йөртүче һәм аның пассажиры юл-транспорт һәлакәте урынында вафат була. Бүген иртәнге сәгатьләрдә шулай ук юл-транспорт һәлакәтендә 2 кеше урта һәм авыр дәрәҗәдәге тән җәрәхәтләре алган. Радик Ринатович билгеләп үткәнчә, алдан алынган мәгълүматларга караганда, бер ТС шоферы руль артында йоклап киткән һәм каршы як полосага чыккан.
Барлыгы 417 хокук бозучы административ җаваплылыкка тартылган.
Шәһәр көненә багышланган чаралар турында мәгълүмат белән Чистай муниципаль районы Башкарма комитетының мәдәният бүлеге җитәкчесе Наталья Ларионова чыгыш ясады. Теләге булган һәр кеше шәһәр һәм Республика көненә багышланган чаралар белән биредә таныша ала.
Авыл хуҗалыгы предприятиеләре эше турында мәгълүмат белән Чистай муниципаль районының авыл хуҗалыгы һәм азык-төлек идарәсе башлыгы Александр Ромадановский чыгыш ясады. Ул билгеләп үткәнчә, Идел-Селект предприятиесе янында иң югары урып – җыю темплары, ә бүгенге көндә алдынгы - »Хузангай» ҖЧҖ комбайнчысы Дауд Шәрәфетдинов, аның суктыру нәтиҗәләре урып-җыю кампаниясе башланганнан бирле 1 мең тоннадан артык ашлык суктырыла.
Чистай муниципаль районы башлыгы Дмитрий Иванов планерка-киңәшмәне тәмамлап, узган атнаның төп нәтиҗәләрен ясады, барлык җитәкчеләрне шәһәр көненә багышланган чараларда актив катнашырга чакырды. Алда мөһим вакыйга - яңа уку елы башлану уңаеннан тантаналы линейкалар булуын искәртте.