Чистайда террорчылыкка каршы комиссия эше турында фикер алыштылар
Чистайда Россия Федерациясе Президентының иҗтимагый проектлар идарәсе, Татарстан Республикасы Президенты Аппараты, Татарстан Республикасы Яшьләр эшләре министрлыгы вәкилләре булды.
Кунакларны Чистай муниципаль районы башлыгы Дмитрий Иванов каршы алды. Очрашудан соң алар учреждение эше белән танышу өчен психологик-педагогик үзәккә киттеләр. Аннары «Чистай» мәдәни-күңел ачу үзәгендә Чистай муниципаль районының террорчылыкка каршы комиссиясенең балигъ булмаганнар эшләре буенча комиссия белән берлектә уртак утырышы узды.
Катнашучылар комиссияләрнең эш нәтиҗәләре турында фикер алыштылар, эш тәҗрибәсе белән уртаклаштылар һәм районда социаль эшнең нәтиҗәлелеген арттыру буенча эш планын тәкъдим иттеләр. Чистай муниципаль районы комиссияләре эше уңай бәя алды һәм төбәк һәм федераль дәрәҗәләрдәге коллегалары тарафыннан исәпкә алыначак.