Эшлекле сишәмбе
Чистай муниципаль районы Советы һәм Башкарма комитеты бүлекләре, республика министрлыкларының һәм ведомстволарының территориаль бүлекчәләре җитәкчеләренең атналык киңәшмәсендә күп фатирлы йортларның 2019-2020 елларда ягулык чорына әзерлеге турында фикер алыштылар.
Планеркада «Жилремсервис» ҖЧҖ директоры Әсхәт Гыйззәтуллин чыгыш ясады. Чистай территориясендә КФЙ гомуми милкен идарә итү, хезмәт күрсәтү һәм ремонтлау, ТКХ өлкәсендә контроль функцияләрен дүрт идарәче компания башкара. Идарәдә 448 күп фатирлы йорт бар. Торак фондының гомуми хезмәт күрсәтелә торган мәйданы 753 мең квадрат метрдан артык.
Бүгенге көндә 130 күпфатирлы йортта җылылык белән тәэмин итү системасы юдырылган һәм опрессацияләнгән, бу планлаштырылган эшләрнең 58% ын тәшкил итә. 32 КФЙда вентиляция каналларын ремонтлау һәм торгызу буенча эшләр башкарылды, 145 тонна тротуарлар салу өчен төзелеш комы кайтарылды, 400 п/м артык салкын һәм кайнар су белән тәэмин итү челтәрләре, су бүлү челтәрләре һәм үзәк җылыту челтәрләре ремонтланды, 1,7 мең квадрат метрдан артык мәйданда түбә ремонтланды һәм 26 күпфатирлы йортта 60 подъезд ишеге алыштырылды.
Идарәче компанияләр каршында Үзәк авария-диспетчерлык хезмәте эшли. Хезмәттә эшләүче 18 кеше көн саен тәүлек буе эшли торган режимда гаризалар буенча эшләрне кабул итә һәм башкара.
"20-нче августта җылылык сезонына әзерлек паспортлары идарәче компанияләрдә генә түгел, шәһәр һәм районның барлык муниципаль бюджет учреждениеләрендә дә булырга тиеш»,-дип йөкләмә бирде Чистай муниципаль районы башлыгы Дмитрий Иванов.
Киңәшмәдә шулай ук районара суд приставлары хезмәте бүлеге начальнигы Фәнис Мөхәммәдиев бүлекнең эше, Россия Эчке эшләр министрлыгының Чистай районындагы бүлеге начальнигы Олег Денисов узган атнадагы оператив хәлләр турында мәгълүмат белән, шулай ук районның авыл хуҗалыгы һәм азык-төлек идарәсе начальнигы Александр Ромадановский районның агросәнәгать комплексы буенча мәгълүмат белән чыгыш ясадылар.
Планерканы тәмамлап, Дмитрий Алексеевич узган атнаның төп нәтиҗәләрен ясады һәм барлык катнашучыларга нәтиҗәле эш көне теләде.