Чистайга якын-тирә районнардан аграрийлар җыелды

2019 елның 24 июле, чәршәмбе

Бүген Чистай районында сорт участогы базасында зональ семинар узды.

Анда Татарстан Республикасы Авыл хуҗалыгы һәм азык-төлек министры урынбасары Илдус Габдрахманов, Чистай районы башлыгы Дмитрий Иванов, якын-тирә районнарның авыл хуҗалыгы һәм азык-төлек идарәләре вәкилләре, игенчелек, механикалаштыру буенча консультантлар, Россия Авыл хуҗалыгы үзәгенең Татарстан Республикасы филиалы белгечләре, авыл хуҗалыгы предприятиеләре һәм КФХ җитәкчеләре, хуҗалыклар агрономнары катнашты.

Семинар-киңәшмә барышында катнашучылар урып-җыю эшләрен оештыру, көзге культураларны чәчү, туфракны төп эшкәртү һәм орлык салу мәсьәләләрен тикшерделәр, конкурс сорт сынавы нәтиҗәләре белән таныштылар, техника күргәзмәсен карадылар.