Бу төндә кабынган шәмнәр киләчәк Кешелек хакына бүләк ителгән ирек һәм бердәмлек өчен тирән рәхмәт символы булып тора
Россия Эчке эшләр министрлыгының Чистай районы буенча бүлеге хезмәткәрләре һәм ветераннары Хәтер һәм кайгы көненә багышланган Бөтенроссия акциясенә кушылдылар.
Хәтер һәм кайгы көненә 78 ел тулу уңаеннан Россия Эчке эшләр министрлыгының Чистай районы буенча бүлеге хезмәткәрләре, ветераннар, иҗтимагый совет һәм ФОРПОСТ хокук саклау оешмасы әгъзалары Бөек Ватан сугышы елларында һәлак булган хезмәткәрләр истәлегенә мемориал янына җыелдылар.
Һәлак булган каһарманнарны бер минут тынлык белән искә алып, җыелучылар Бөек Ватан Сугышы алып киткән миллионлаган һәлак булганнар турында мәңгелек хәтер һәм кайгы символы буларак «хәтер шәмнәре» кабыздылар, алар арасында сугыш кырларыннан әйләнеп кайтмаган хокук тәртибе хезмәткәрләре дә күп иде.
«Хәтер шәме» Бөтенроссия акциясе яшәүче, бигрәк тә яшь буынга мондый фаҗигаләр кабатланмасын, шулай ук Бөек Ватан сугышы елларында күрсәткән халкыбызның батырлыгын һәм геройлыгын саклап калу һәм мәңгеләштерү өчен тарих дәресләрен искә төшерү кирәклеге турында тагын бер кат искә төшерергә тиеш.