Видеоконференция режимында республика киңәшмәсе
Бүген видеоконференция режимында чираттагы республика киңәшмәсе узды. Киңәшмәне Татарстан Премьер-министры Алексей Песошин уздырды.
Чистай муниципаль районы киңәшмәгә кушылды. Чистай муниципаль районы башлыгы Дмитрий Иванов, Чистай муниципаль районы Башкарма комитеты җитәкчесе Эдуард Хәсәнов, Чистай муниципаль районы Советы Аппараты һәм Башкарма комитеты хезмәткәрләре, Җир һәм мөлкәт мөнәсәбәтләре палатасы җитәкчесе, районның агросәнәгать комплексы вәкилләре катнашты.
Татарстан Республикасында 2019нчы елда күп фатирлы торак йортларны капиталь ремонтлау программасы буенча эшләр 26,5% ка башкарылган. Капиталь ремонт программасы кысаларында барлыгы 42 муниципаль берәмлектә 942 күп фатирлы йортны ремонтлау планлаштырыла. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәдә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Әхмәтов республика кырларында терлек азыгы әзерләү һәм яклау чараларын уздыру барышы турында сөйләде.
Министр хәбәр иткәнчә, бу көннәрдә бөтен җирдә чәчүлекләрне кабул итү узды. "Тулаем алганда, кырларның торышы начар түгел, әмма аларның потенциалын саклап калу өчен фән буенча эш кирәк. Сабан культураларының иртә чәчүлекләре өчен бу чор чүп үләннәренә каршы көрәштә иң йомшак чор", - диде ул.