Чистай полицейскийлары "Россия балалары – 2019" ведомствоара операциясенә кушылды
Операция чараларының төп максаты-балигъ булмаганнар арасында наркоманияне кисәтү, наркотикларның законсыз әйләнешенә бәйле җинаять эшчәнлегенә җәлеп итү фактларын ачыклау, шулай ук наркотик куллану нәтиҗәләре һәм Россия Федерациясе законнарында каралган җаваплылык турында халыкның хәбәрдарлык дәрәҗәсен күтәрү.
Операция кысаларында полиция хезмәткәрләре уку йортларына барачаклар, яшьләрнең массакүләм ял итү урыннарын тикшерәчәкләр, ата-аналар җыелышы уздырачаклар, анда балаларга һәм аларның ата-аналарына төрле психоактив матдәләр куллануның Начар нәтиҗәләре, наркотик матдәләрне саклау һәм тарату өчен административ һәм җинаять җаваплылыгы турында сөйләячәкләр.
Татарстан Эчке эшләр министрлыгы ведомствода тәүлек буе Ышаныч телефоны эшләвен искә төшерә. (843) 291-20-02 номерына шалтыратып, наркопритоннар, наркотик матдәләр тарату һәм куллану фактлары турында хәбәр итәргә була.
Россия Эчке эшләр министрлыгының Чистай районы буенча кизү бүлегенә 02, 5-43-32 телефоны буенча мөрәҗәгать итәргә мөмкин