Чистай муниципаль районында ВИЧ-инфекция таралышы республика буенча уртача күрсәткечтән 1,7 тапкыр түбәнрәк
Бүген Башкарма комитет җитәкчесенең социаль мәсьәләләр буенча урынбасары Галина Задворнова рәислегендә Татарстан Республикасы Чистай муниципаль районы территориясендә җенси юл белән тапшырыла торган инфекцияләрне, В һәм С вируслы гепатитларын, туберкулезны иртә ачыклау, кисәтү һәм тарату буенча ведомствоара комиссия утырышы узды.
"Бүгенге көндә ВИЧ-инфекция белән авыручылар санының артуы борчулы күрсәткечләрнең берсе булып тора" - Чистай РҮХ " ДАССОның табиб-эпидемиолог Румия Хәсәнҗанова үз чыгышын нәкъ менә шулай башлады да, ул утырыш кысаларында ВИЧ инфекциясе, 2018нче елда һәм 2019нчы елның 1нче кварталында Чистай районы буенча эпидемия халәте турында доклад белән чыгыш ясады. Чистай районында ВИЧ-инфекция белән авыручылар саны 2000 елдан бирле теркәлә, ул чакта 1 очрак ачыкланган иде. Шул чордан 2019нчы елның 1нче апреленә 245 кеше ачыкланган, 47 кеше үлгән һәм ВИЧ – инфекцияле аналардан 21 бала туган.
Безнең районда ВИЧ-инфекциянең таралуы республика буенча уртача күрсәткечтән 1,7 тапкыр түбәнрәк. ВИЧ-инфекцияле кешеләрнең уртача яше 30-50 яшь.
Татарстан Республикасы буенча Роспотребнадзор идарәсенең Чистай, Спас, Алексеевск һәм Яңа Чишмә районнарындагы территориаль бүлеге белгеч-эксперты Алинә Әгъзамова эпидемия хәле турында мәгълүматны тулыландырды.
Чистай муниципаль районы мәгариф учреждениеләрендә 2018нче елда һәм 2019нчы елда ВИЧ-инфекциягә каршы профилактик чаралар турында Чистай муниципаль районы Башкарма комитетының " мәгариф идарәсе» МКУ тәрбия эше буенча начальник урынбасары Гүзәл Гатауллина сөйләде.
"Чистай медицина училищесы» ДАҺБУ тәрбия эшләре буенча урынбасары Алла Панькова студентлар арасында ВИЧ-инфекцияне кисәтү буенча профилактик эш төрләре турында сөйләде. «Милосердие» берләшмәсе медик-волонтерлары актив эш алып бара, аның эш юнәлешләренең берсе-сәламәт яшәү рәвешен профилактикалау. Волонтерлар медиклар шәһәр акциясен оештыра: Тәмәкене конфетка алыштырсаң, үз авырлыкыңны, сәламәтлек әлифбасын бел, наркотикларга әйт – юк һәм башкалар.