Районда ат үрчетүне үстерү мәсьәләләре буенча киңәшмә узды

2019 елның 11 марты, дүшәмбе

11нче мартта Чистай муниципаль район башлыгы Дмитрий Иванов районда ат үрчетүне үстерү мәсьәләләре буенча киңәшмә уздырды.

Киңәшмә барышында район башлыгы атчылык хуҗалыклары продукциясен эшкәртү кооперативын оештырырга, экологик туризм маршрутларын оештырырга, ат үрчетүчеләрне ДЦП белән авыручы балаларны тернәкләндерү буенча социаль проектларга җәлеп итәргә тәкъдим итте.

Әлеге чаралар кысаларында Башкарма комитет хезмәткәрләре Казанда коммерцияле булмаган оешмалар вәкилләре белән очрашулар үткәрде. 13нче мартта Чистайда ТР Туризм буенча Дәүләт комитеты җитәкчеләре белән очрашу планлаштырылган, анда Чистай шәһәрен «5 ветров» дигән инвестицион проектына кертү мәсьәләсе каралачак.