Чистай районы "Кар десанты" акциясенә кушылды
Бөтен Россия буенча старт алган «Кар десанты» Бөтенроссия патриотик акциясе кысаларында волонтерлар халыкның социаль якланмаган катламнарына шефлык ярдәм күрсәттеләр. Акция 2019 елның март ахырына кадәр дәвам итәчәк. Ул кар яву нәтиҗәләрен бетерүдә өлкәннәргә һәм ялгыз яшәүче кешеләргә ярдәм күрсәтүгә юнәлдерелгән. Волонтерлар кар катламыннан ишегалларын һәм урамнарга чыгу урыннарын азат иттеләр, түбәләрне кардан, боздан һәм боз сөңгеләреннән чистарттылар. Көрәкләр белән коралланып, балалар кышкы мәшәкатьләр белән тырышып ярдәм иттеләр. Шәхси йортларда яшәүче өлкәннәр өчен мондый ярдәм бәяләп бетергесез. Чөнки өлкән буын түбәсендә кар көртләрен һәм боз сөңгеләрен чистарта алмый. Яшь кешеләр кар белән капланган юлларны шәхси хуҗалыклар территориясендә чистарталар, бакчадагы ярдәмче корылмаларга үтүне азат иттеләр.
"Тормыш" юл хәрәкәте иминлеге үзәге яшьләр эшләре бүлеге волонтерлары әби– бабайларда еш кына кунак, буш вакытларында өлкән һәм ялгыз яшәүче гражданнарга хуҗалык эшләрендә ярдәм итәләр.
Без барлык битараф булмаган кешеләрне безгә кушылырга һәм «Кар десанты» акциясендә мохтаҗ кешеләргә шатлык һәм кайгыртучанлык бүләк итәргә катнашырга чакырабыз.